Умаров Ҳоҷимуҳаммад Умарович, Расулов Сабур, Латифзода Хуррам
Аннотатсия:
Шаҳрҳо ва ноҳияҳои вилояти Суғд дар таҳияи стратегияҳои дарозмуддати рушди энергияи алтернативӣ айни замон бо мушкилоти назаррас рӯбарӯ мебошанд. Дар тадқиқоти мавҷуда кӯшиш ба харҷ дода шудааст, ки манбаъҳои барқароршавандаи энергияро, ки дар ноҳияҳои гуногун истифода мешаванд, муайян кунанд. Азбаски ҳар як ноҳия хусусиятҳои фарқкунандаи ҷуғрофӣ ва экологӣ, шумораи аҳолӣ, сатҳи рушди иқтисодӣ ва муҳити иҷтимоии худро дорад, манбаи аз ҷиҳати экологӣ тозатарини энергия барои як шаҳр метавонад барои шаҳри дигар аз ҷиҳати экологӣ камтар тоза бошад. Ин таҳқиқот равиши систематикиро барои арзёбии манбаъҳои барқароршавандаи энергия ва муайян кардани манбаъҳои энергияи алтернативӣ барои ноҳияҳои тадқиқотӣ тавассути таҳлили вазъи кунунии таъминоти барқ ва дастрасӣ ба ҳар як захираи энергетикӣ баррасӣ ва тавсия медиҳад. Ин методология ба қабулкунандагони қарор дар таҳияи стратегияҳои дарозмуддати рушди энергияи барқароршаванда кӯмак мерасонад. Аз ин рӯ, арзёбии дастрасии манбаъҳои барқароршавандаи энергия (МБЭ) ҳангоми интихоби системаи таъминоти энергия барои истироҳатгоҳҳо ва муассисаҳои фароғатӣ таҳлили захираҳои МБЭ, потенсиали истифодаи онҳо ва имконпазирии иқтисодии онҳоро дар бар мегирад. Ин муҳим аст, зеро истироҳатгоҳҳо истеъмоли баланди энергияро талаб мекунанд ва истифодаи МБЭ ба коҳиш додани вобастагӣ аз захираҳои анъанавии энергия ва ба ҳадди ақал расонидани таъсири манфӣ ба муҳити зист мусоидат мекунад.
Калидвожаҳо: маҷмааҳои тиббӣ, системаи таъминоти энергия, энергияи офтобӣ, гармидиҳӣ, насосҳои гармӣ, самаранокӣ..