Ҷалилзода Абдурашид Абдукамол

Аннотатсия:

Мақолаи мазкур тадқиқоти таҷрибавии ҳамкорӣ ва мутобиқати байни хатмкунандагони муассисаҳои таҳсилоти олӣ ва талаботи воқеии корхонаҳо дар бахшҳои асосии иқтисодиёти Ҷумҳурии Тоҷикистонро барои солҳои 2010–2023 пешниҳод менамояд. Воситаҳои миқдории истифодашуда аз коэффициенти интегратсияи Ki (таносуби маҳсулот ба талабот), суръати афзоиши он Tp ва индекси мувозинати агрегатӣ IKt иборатанд. Таҳлил нишон медиҳад, ки дар баъзе соҳаҳо, ба монанди соҳаи «иқтисодиёт», «маориф» ва «фарҳанг ва санъат» шумораи хатмкунандагон аз талаботи бозори меҳнат зиёд ба назар мерасад, аммо мутахассисони касбӣ дар соҳаи «тандурустӣ» кам мушоҳида карда мешавад. Натиҷаҳо бо истифода аз типологияи ҳамгироии бозори меҳнат ва таҳсилоти олӣ (намудҳои I–IV) таҳлил карда мешаванд, ки имкон медиҳад тавсияҳои асоснок барои танзими нақшаи қабули донишҷӯён, тарҳи хариди давлатӣ ва пешгӯии эҳтиёҷоти бозори меҳнат пешниҳод шаванд. Нишондиҳандаҳо ва методологияи ҳисобкунии индекси ҷамъшуда IKt метавонанд барои беҳтар намудани мутобиқати маҳсулоти таълимӣ бо эҳтиёҷоти воқеии иқтисодиёт ва банақшагирии стратегӣ дар сиёсати кадрҳо истифода бурда шаванд.

Калидвожаҳо: бозори меҳнат, низоми таҳсилоти олӣ, коэффисиентҳои муттаҳидсозӣ, суръати афзоиш, мувозинати кадрҳо, Тоҷикистон.